【viu】鄭裕玲、洪嘉豪今日喺西九出席「地球一小時」2024熄燈儀式，Do姐即場分享環保心得，除咗少用膠樽、食得清淡keep住fit爆身材之外，仲教大家短暫開冷氣保持清涼感秘技，聽到身旁嘅嘉豪笑晒口，真係要學嘢。
嘉豪將於4月中舉行兩場紅館演唱會，呢位「華納舞王」已積極排練，Do姐雖然想睇，但因為早眠所以婉拒現身睇騷，嘉豪就話會諗諗為Do姐改rundown，提早跳番part舞，真係笑Cry。嘉豪嘅「王道」真係世界通行，對於陳蕾話想有生之年邀請一次佢喺演唱會上吹「啲打」，嘉豪堅決拒絕之餘，又娓娓道出自己小學時已經係「啲打王」嘅原因，仲即場自封揸車「穩定王」，繼院友之外，想親自揸車送一次Do姐返屋企，真係好窩心。
另外，Do姐最近跟MIRROR做訪問後，收到集齊12子簽名嘅寫真，開心到表明好想再跟每一位成員做獨立訪問，對鏡粉嚟講確係大喜訊。不過，Do姐最近亦遇到一樣煩惱，想知係乜，就梗係要睇訪問搵答案啦！
