【Viu】193@ERROR久違回歸歌手身份出席音樂節目，抵死笑話唔記得點唱《再次puppy love》，順勢自爆噚日錄ERROR 5周年團歌錄到飲泣，希望新作12月面世！至於solo歌方面，33透露其實已經錄好一首歌，萬事準備只欠MV，再爆親自搵咗個好犀利、宇宙級嘅導演加又大又靚嘅女主角，之後公布實嚇大家一跳！
完成18場舞台劇《Laugh Vacation》後，193慨嘆有失落感，好掛住同班演員相處，特別係攬攬！不過佢隨即帶嚟好消息！就係預告或會開《Laugh Vacation 2》，甚至可能有三步曲、甚至有機會有進一步「升級」行動！
講到3媽出道拍廣告，193笑話除咗爸爸之外，全家都發明星夢，又指暫時未有廣告商搵佢孖媽咪拍廣告，可能因為佢收得貴！孝順仔193仲諗咗啲「屎橋」畀廣告商參考，但全部都關廁所事，更忍唔住爆媽咪大鑊！另外，眼見唔少730、晚吹時段節目近期都紛紛告一段落，193亦有交代主持嘅長壽節目《戀講嘢》動向，呢條訪問真心內容量max！必睇呀！
