【Viu】韓國「氧氣美女」李英愛、日本男演員鈴木亮平雙雙獲《第十七屆亞洲電影大獎》嘅「卓越亞洲電影人大獎」！李英愛後台受訪指攞獎好開心，係送畀fans嘅禮物，更再透露更多籌備《大長今》續集嘅內幕！其後李英愛更獲「最佳衣着」，再次後台登場時，聽見全場傳媒哼《大長今》主題曲，不禁甜笑咗下！
鈴木亮平則大談接演《城市獵人》嘅感受，自爆細個想演City Hunter而拍戲，到真正演嗰陣都好緊張、有壓力，又話因為係日本第一次翻拍城市獵人呢部作品，希望令日本人有覺得貼近漫畫嘅感覺！至於有冇機會騷肌？就等鈴木亮平親自講啦！
泰國男神Win獲「亞洲飛躍演員大獎」，佢指作為第一位泰國演員攞呢個獎係深感榮幸，意義寧舍重大，承諾之後會努力帶更多作品畀大家！見同場有好多出色好猛嘅亞洲電影人，但Win話暫時未有機會傾偈，留待after party認識各位！
「AFA新世代獎」得獎者為中國女星趙麗穎，喺後台受訪指想挑戰更多唔同嘅角色！另外，馬提亞斯德爾甫憑《雪豹》奪「最佳攝影」，同頒獎人林明禎、柯煒林齊齊入後台，女神明禎笑話見到咁高大靚仔嘅攝影師，心肝都即刻卜卜跳，笑翻全場！
