【Viu】被網民稱為「職安真漢子」嘅吳浩康近日密密地盤開工養家。近日吳浩康宣佈將會喺2月24日元宵節喺水上樂園AQUALAND舉行個唱，仲停工一日拍攝海報同宣傳片！
Deep一身工業風造型亮相，仲出動私伙安全帶拍攝，即使危坐幾層高鐵架都無怕過：「其實冇諗過會發展得咁快，主辦佢地好錫我，覺得我屬於舞台，所以幫我搞呢次音樂會。我都好多年都冇舉行個人騷，今次唔會加太多新Idea，反而想保留歌曲原汁原味。」
Deep為咗拍片仲落手落腳裝拆欄杆，手法睇落好專業。佢仲講明一場唔夠喉，希望Fans買飛打動主辦單位加場。而Deep一講到囝囝就冧晒，話仔仔成日眼定定望住佢唱歌添。不過今次個唱囝囝會入場支持，但唔會邀請佢上台做「嘉賓」喇。
提到網民將張致恆與Deep作比較，佢表示有留意相關消息，坦言都有畀佢呃過，但做兄弟真係心照，想知更多快啲睇片啦！
