【Viu】MC張天賦現身冬日美食節，同「賦二代」唱歌兼傾偈，對賦二代嚟講仲唔係最好嘅聖誕禮物？MC講到同「宇宙最強」甄子丹拍新戲，佢話冇太大壓力,仲話拍打戲好好玩，只係攰啲啫，甚至自覺有潛質做打仔添！不過佢爆有幕要脫，露出貼身衫同時，「圓形」身材亦走出嚟同大家say hi，超後悔嘅MC即刻話要諗計仔拆掂佢！莫非就係叫少啲外賣？
《世一》喺叱咤「我最喜愛歌曲」10強止步，MC坦言有少少唔開心，大方指證明最後5強更好聽！雖然佢認為佛系拉票有影響到晉級，但佢話做歌最大嘅目標係畀賦二代聽，講呢番說話想冧死邊個？
近日MC同「豹哥」陳蕾出咗首合唱歌《永久損毀》，MC透露啱啱拍完個MV，自評比起豹哥更有型！早前豹哥自爆寫咗首歌畀MC，但最後唔捨得割愛攞返，唔知MC有冇追番豹哥呢條數？另外，MC最近多咗個「狗奴」身份，想知佢同「豬柳蛋」之間嘅點滴？睇足本訪問就知！
