藝人洪永城（Tony）及梁諾妍（Inez）今年雙喜臨門，結婚同時宣布懷上愛情結晶，今日（23日）宣布B女 Amber已順利出世，恭喜晒！
Photo／FB@洪永城Tony的地球
洪永城今日在社交平台分享喜訊，介紹B女給大家認識：「大家好，我叫Amber，係人馬女，重6.2磅，想同大家打個招呼，我在荃灣港安出世，我一出世，姐姐同叔叔就話『嘩，好似爸爸呀！』跟住我望望爸爸媽媽，我有唔開心，因為我想似媽媽多少少，媽媽好靚。」
Photo／FB@洪永城Tony的地球
Tony指生產過程漫長，Inez需咬緊牙關忍受陣痛，字裡行間流露對太太的愛和感激，「我知道媽媽痛了14小時，催生了兩次，都開唔到宮頸，但係佢堅持到最後一刻，我聽到佢每2分鐘就痛一次，我仲聽到爸爸話隻手就斷，媽媽好偉大。多謝張智醫生哥哥、Ruby 姐姐同呢度所有的護士姐姐， 你哋好有愛，好照顧我，我會快高長大、孝順同好乖，會照顧媽媽，帶歡樂畀大家....哈哈，至於爸爸，我好肚餓，可唔可以快去搵奶粉錢呀。」
Photo／FB@洪永城Tony的地球
老婆Inez則表示會好好照顧愛女，成為她最強的後盾，「辛苦晒張智醫生同所有護士姐姐！最重要多謝洪生（隻手）的陪伴，每當我作動時痛到又暈又想嘔真係差啲扭斷佢隻手，辛苦你了！」
Inez憶述分娩過程驚險，因催生藥無法助她張開子宮頸，陣痛持續十幾小時，直至穿羊水宮頸都未能開，醫生說避免寶寶危險要開刀，所幸最終母女平安，B女很健康，「寶寶出生後就即刻喊，連我跟住大喊咗出嚟，見到洪寶寶平安地出生，甚麼痛楚都唔緊要了，一切都很值得，謝謝上天給我們一位小天使，期待我們一家相處的日子！」
Photo／FB@洪永城Tony的地球
