【Viu】《全民造星V》為大地帶來一班仔仔，大半年後，部分參賽者已經正式出道做藝人，而受網友歡迎嘅「藍D」亦自資組隊MATCH，5位成員Aaron Bosco、Tomy、Carson、宇軒同Maico仲合資6位數，將於12月4號喺九展Music Zone舉行《MATCH with you》演唱會，將大家match埋一齊！
咦？咁MATCH呢個名點嚟呢？佢哋就解釋除咗由5子嘅英文名組成外，最緊要多謝Maico太太發咗個靚夢，又預告除咗hit爆嘅《致未來的我們》外，仲有一系列串燒歌，同大家High返晚呀！MATCH仲即席以歌會友，「唱爆」隊友，又分享捱窮同怪癖，有笑有淚！想了解MATCH更多，睇呢個專訪就啱晒喇！
