【Viu】Ian、Lokman同AK喺ViuTV原創劇《冰上火花》挑戰冰球運動，三子嘅角色各有特式，展現偶像以外嘅不同面向！男人對制服有情意結已經係常識，AK仲沾沾話自覺似經典日劇《冰之驕子》嘅木村拓哉，又話今次唔使學《繩角》咁騷肌，可以靠「假狗」完事，點知Ian一下「靚抽」，完美KO咗AK，Ianson果然係鍾意相愛相殺！
唔知係咪溜冰嚟得太耐，Ian喺訪問中貫徹「冷面笑匠」本色，當Lokman話著咗冰鞋變高後，「Mean陳」即上線話：「但係大家一齊變高喎！」嘩，隊長都夠膽寸，有料呀！不過，可以互寸嘅先係好朋友，Ian就話同Lokman拍對手戲好享受，仲幫大家「公開爭取」一段笑爆嘴嘅花絮，超Funny呀！至於AK就難忘凍到流晒鼻涕咁同Will柯煒林演對手戲，自覺十足十《喜劇之王》嘅尹天仇同娟兒，喂呀！Ianson同正副cp會唔會太好笑呀？
排球、游水、打拳同冰球都拍過，想知3位鏡仔仲有咩運動題材想拍？AK到底要擁有幾多男神嘅「影子」？Lokman又點解唔想著緊身衫？Ian火力全開有幾好笑？睇足本訪問笑餐飽啦！
