【Viu】「光B」尹光下月頭11月4日就開紅館騷啦！今日佢就夾埋隊band綵排，話依家好努力背歌詞，因為唔容許自己到時睇提詞機，怕分心呀！光B又指直到呢個moment都仲未知邊個係嘉賓，淨係知會有阿肥@廿四味，而外間盛傳會有埋姜濤、林家謙，光B都話好想，有佢哋就超happy啦！
光B日前仲試埋演唱會歌衫，大讚啲衫「好yeah」、又好似poster咁colourful，不過佢就唔諗住挑戰sexy啦，因為佢話⋯而新歌《Dear Myself》一推出就有好好嘅成績，打入電視台、電台嘅音樂排行榜，光B仲搞笑話要衝擊新人獎添！又對攞到頒獎禮入場券嗌興奮，想知光B有冇信心攞獎？籌備演唱會情況又點？咁明年會唔會再開演唱會？睇片聽光B點講啦！
