【now.com】商台DJ朱薰日前帶同全家遠赴英國旅行，同時竟帶同兩個叱咤獎座至當地，實行以人肉速遞將「叱咤樂壇填詞人大獎」及「至尊歌曲大獎」送到黃偉文（Wyman）手上。Wyman發文感謝朱薰「有心又出力」，指：「冇著靚衫冇諗致謝辭，但有好多好多愛冚返」。
近年移居至英國的Wyman，因未能親身出席頒獎禮，大多以錄像或視訊形式領獎及發表得獎感言。但商台DJ朱薰就選擇「人肉速遞」至英國，親手將兩個獎座送到Wyman手上，十分窩心。
朱薰近日與丈夫、仔女遠赴英國旅行，期間相約同在倫敦的Wyman見面，據Wyman所指，當天一行人到倫敦自然歷史博物館（Natural History Museum） 看恐龍，行程完結時朱薰驚喜地從門口取出「兩件金掁掁嘅嘢」，原來是年初獲頒的「叱咤樂壇填詞人大獎」及「至尊歌曲大獎」。
Wyman在貼文中大讚朱薰：「有心又出力」，又感動地說：「結果我哋喺博物館門口嘅長櫈上面，就地進行咗簡單而隆重嘅小小境外頒獎禮，冇著靚衫冇諗致謝辭，但有好多好多愛冚返」但又提醒朱薰說：「朱薰，下次齋嚟玩得啦，唔使咁客氣帶咁多嘢嚟。見到你一家我已經好鬼開心。」
照片中朱薰右手受傷，戴上了吊臂手托，Wyman未有交代細節，僅寫道：「至於佢隻手點解咁樣等佢自己喺適當時候介紹返」，又搞笑地打圓場說：「希望唔因為個獎或者份愛重得滯拎到甩骹」。
Wyman黃偉文自1998年離巢商台後，轉任全職填詞人，今年（2023年）是他成為全職填詞人第25年的銀禧紀念。Wyman在叱咤頒獎禮的得獎感言影片中曾特別提到要感謝25年來從未在叱咤台上多謝、擔心將來不知有否機會再多謝的人，又說：「呢幾年如果我同你有嘢學識嘅話，一定就係重要嘅嘢要喺失去之前好好咁記住，千祈唔好等佢走咗，先話Vivienne Westwood（已故英國時尚教母「西太后」）我好鍾意你呀！」
