【Viu】MIRROR成員Tiger邱傲然最近為《第十七屆鮮浪潮國際短片節》拍攝開幕短片《是日精選》。影片集合飛車打鬥場面，對導演初哥嚟講係難度極高。Tiger話：「拍完之後睇片再抽身諗，就會覺得有啲貪心，可能少啲、精啲可能會再好啲，但冇辦法，第一次就好興奮，想將鍾意嘅嘢擺晒落去。」看完成品後，Tiger十分滿意：「成個製作過程我都好開心同享受，因為團隊中個個都好有火，成班前輩唔係返工，真係想做好件事，成個過程可以回憶一輩子。」
經過今次實戰，Tiger拍上癮，好期待能有下一次拍攝機會，佢仲透露已經籌備緊下個Project添！咁喺執導下一個影片作品之前，有冇諗過幫MIRROR兄弟拍MV？Tiger就講笑話要等兄弟搵佢先得，唔係自己話拍就拍，但如果大家邀請，佢亦會瞓身做！
另外，身為《是日精選》男主角嘅Lokman，全程見證Tiger初嚐執導滋味，佢大讚好兄弟有想法，又願意同其他人討論，人仔細細但可以Lead到現場所有人，至於經過演出後，Lokman都發現自己有個死穴！到底係咩？另外Tiger又大讚 Jeremy邊方面嘅破格演出？即刻睇足本訪問啦！
