【Viu】《Chill Club推介榜年度推介22/23》的「年度男歌手」金銀銅由MIRROR包辦，金獎Anson Lo多謝觀眾同神徒，又哽咽話自己一直好大壓力，好怕令大家失望，亦有說話對家人講，不過最感動當然係回應姜濤的感言，佢話要多謝MIRROR一班兄弟，對於外界將佢同姜濤比較，佢覺得永遠無法停止，但任何報道同留言都唔可能分化MIRROR，12子會繼續用表演同大家講：「我哋係MIRROR！」
而銅獎嘅Ian都好sweet，皆因全晚只要佢上台，全場Hellosss都叫到聲嘶力竭咁支持佢，Ian當然全部收到，所以佢攞獎時特別感謝fans ，仲話：「你哋係我一直做音樂落去嘅動力！」冧爆！
