【Viu】噚晚《SPACE MUSIC FESTIVAL 》好熱鬧，一班台灣音樂人都嚟咗西九同歌迷玩番晚。女性代表有Julia Wu吳卓源，佢一落機就送新歌《I can’t》俾港迷，真係有誠意。之後再整多首《The One》兼送飛吻，然後Julia仲搞笑話聽到台下歌迷叫佢老婆喎，仲讚歌迷可愛添，小編話最可愛係你呀！
同場仲有台灣音樂界紅人高爾宣，揸住杯酒上台嘅OSN一出嚟就搞㷫個場，觀眾席早已嗌爆。佢一連唱出《Benz Booty》、《Cirles》，全場一齊揮手，OSN仲預告5月5日再嚟西九開騷，到時會唱十幾首歌添！小編真係等唔切喇！
