【Viu】Anson Kong、台灣型男陳昊森、Mandy譚旻萱、Evelyn蔡㯋恩、Anjaylia陳嘉寶同顧定軒等，今日盛裝出席珠寶活動。珠光寶氣嘅AK笑認今日身價最高，又分享拍攝《12怪盜》嘅點滴，雖然角色識得同動物溝通，但愛犬猜柴就冇份客串喇。AK透露《冰上火花》已拍畢，自己珍藏咗大量冰上英姿短片，笑言睇吓Ian出咩招先再還擊，又話如果MIRROR拍BL劇，唔想Ianson做CP喎！AK又話係自薦為Tiger執導嘅《是日精選》做副導演，但就冇反串扮女人嘅。
對於AK謙稱陳昊森高大靚仔過自己，陳昊森大讚AK好客，已相約下次來港時齊齊食飯，但笑言自己舞功差，唔敢同MIRROR跳舞，但期待一齊唱歌同演戲。佢又話最欣賞張曼玉同梁朝偉，希望有機會合作。
此外，Mandy直言同兩大型男見面好怕醜，自己都想同台灣男星合作，仲幻想同許光漢拍咀戲添呀！
