【Viu】去年底同圈外上班男秘婚嘅劉心悠，今日終於現身，宣佈自己喺法國廚藝課程畢業，仲揚言畢業開心過結婚添呀！戴上平實婚戒嘅心悠，全程避談老公身份，只係話老公個性低調，但網上流傳嘅照片，的確係佢先生。佢又話張相影到自己好腫，所以惹嚟大肚傳聞，但澄清冇懷孕，加上打算專注搞煮食channel，未打算生B。
心悠透露同老公因為做木工而認識，拍拖2、3年，仲爆老公送咗鐵焊玫瑰畀佢做生日禮物，冧到爆呀！心悠又指老公唔算浪漫，所以冇電影式嘅跪地求婚過程，兩人亦冇打算喺香港同台灣大搞喜宴，婚後將繼續低調生活！
