【Viu】Jay Fung馮允謙呢幾年事業步入正軌，密密出歌出碟做到冇時停。上年入行十周年，仲喺九展開咗人生第一個演唱會，絕對係佢最重要嘅里程碑，話咁快，喺3月25至27日佢就要踏上紅館喇！雖然佢嘅音樂事業，三十幾歲先正式起步，但算係苦盡甘來呀，作品多咗人識之外，近年仲幫過唔少歌手寫歌，究竟佢會點形容自己呢十一年嘅歌手生涯呢？呢個11年有失意嘅時候，當然都有開心嘅moment，除咗參加完比賽後可以成為職業歌手外，上年7月嘅演唱會亦令佢勁難忘。而佢今年既新挑戰，就係擔任《全民造星V》導師，以過來人身份培育新一代，不過平日勁Nice嘅佢，原來只要有參賽者唔尊重個比賽，就會焫著佢㗎啦！
