【Viu】Jay Fung馮允謙噚晚以白馬王子look舉行新碟《LOVE & LOSS》發布會，除咗有屋企人撐場之外，釗峰、on仔都有嚟support！期間Jay Fung大唱4首歌兼專登編咗一首精選medley送畀哥哥，瞬間將發布會變成mini concert！
戲肉嘅部分就係佢喺最後宣布明年3月殺入紅館開演唱會，呢個機會等足11年呀！佢命令大家千祈唔好離開香港，事關上次Jay Fung開九展騷嘅時候孖生細佬Tim去咗旅行，搞到Jay Fung堅係嬲，而咁啱呢次哥哥話可能做嘢睇唔到紅館騷，佢都即刻話唔嚟就冇兄弟做！至於未婚妻啦喎⋯ 就梗係要嚟啦！
籌備演唱會同時又要為《全民造星V》做導師，Jay Fung話行程充實到唔想休息，又爆最近面試都睇中幾位參賽者，不過都要再慢慢觀察吓嘅！
