【Viu】靚媽岑麗香今日出席聖誕亮燈儀式，笑問香香係咪開工輕鬆過湊仔，佢就識做咁話各有各好，仲大讚3歲半嘅大仔Jacob好乖，當自己畀「小強」嚇到尖叫時，主動話要拖手保護媽咪，令佢感動到爆呀，所以聖誕節要買大禮獎勵佢！
香香又話兩個囝囝好鍾意唱歌跳舞，仲有聽MIRROR嘅歌添呀，所以唔會禁止佢哋將來入行做明星。不過，香香笑指囝囝暫時唔清楚藝人係乜嘢，之前見到媽咪嘅巨型廣告牌都O晒嘴，仲試過睇劇見到媽咪抱住另一個BB而感到迷惑，好Cute Cute呀！
岑麗香兩子熱愛音樂 喜聽MIRROR作品
岑麗香兩子熱愛音樂 喜聽MIRROR作品
