【Viu】資深演員余子明月初於睡夢中逝世，享年80歲，昨日(27日)於香港殯儀館設靈，喪禮以白色鮮花佈置，並以佛教形式舉行，由於家人信奉基督教，因此到場親友改為獻花。遺孀馮素雲及子女一早到靈堂打點，圈中不少藝人如汪明荃、羅家英、薛家燕、古天樂等送花牌致祭，林家棟、姜大衛與太太李琳琳及譚淑瑩等到場向子明叔作最後致意。而子明叔的遺體今早送歌連臣角火葬場火化。
子明叔兒子天佑接受傳媒訪問時透露：「張相（遺照）係媽媽選嘅，覺得呢張靚仔啲，如果你哋有留意，爸爸其實好鍾意戴帽。」他表示母親心情已逐漸平復：「爸爸咁樣走係最好嘅方式，我哋喺醫院拖住佢隻手，由佢眼仔碌碌畀到啲反應，好似瞓著咁。」天佑指爸爸的遺願是再拍劇集，惜Viu神劇《940920》成最後遺作。馮素波亦有到場送別妹夫余子明，她受訪時憶述與對方的往事：「嗰時我成日同佢去睇相，次次睇親佢都喊，因為話佢好好但係父母享受唔到。」但波姐認為子明叔已無憾。
