【Viu】 鄭伊健演唱會噚晚尾場，馮德倫同舒淇兩公婆一齊嚟撐場，戴cap帽嘅舒淇仲好怕醜咁話，早知咁多人就化妝啦！呢晚伊健仲帶咗驚喜俾大家！佢踩住roller喺encore環節唱歌，唔講唔知，原來伊健踩roller都有一手喎！成個encore環節足足唱咗八首歌，fans應該好滿足喇啩！今晚台上仲出現咗個印住「WILSON」嘅籃球，唔知是咪同已故好友錢國偉有關呢？伊健受訪嗰陣就話叫大家唔好諗咁多，個波係佢自己買㗎！仲有演唱會期間有fans大叫除衫，不過佢一向惜肉如金，咁耐以嚟都冇喺演唱會上脫衣添！至於做完騷有咩大計？伊健就話需要好好休息嘞！
