【viu】聞西、MK、馬小玲喺《尾二一屆口罩小姐選舉》成功晉身三甲，能夠喺決賽有好表現，除咗自己嘅努力，當然唔少得ERROR 4位隊長嘅功勞，3位都異口同聲咁話冇隊長就冇佢當晚嘅演出，真係有你有我啊！而聞西面對外界對佢爆冷奪冠嘅聲音，佢就相當正面，希望之後繼續努力等大家見到佢更多嘅優點，認真叻女！
講到幕前工作，佢哋當然最想同到ERROR合作啦！聞西就話想挑戰拍綜藝節目，MK就想趁後生嘗試多啲唔同工作，仲話之後想以演員身份同大家見面添，而馬小玲除咗希望好似師姐浩南咁多啲主持工作，其實都想拍戲，但就俾身邊人話佢175cm太高，好難搵對手喎！怕咩啫，搵33咪冇問題囉！
