【Viu】郭富城最近為麥當勞擔任環保大使，同Baby Shark呼籲大家「齊齊減塑 麥麥行多步」。麥當勞即日起會分階段停止提供即棄塑膠餐具，轉用木餐具，城城都覺得好有意義，仲大方分享環保Tips！原來城城一得閒就會陪囡囡睇環保圖書，出街食飯仲會教佢哋唔好眼闊肚窄亂咁嗌嘢食，都係節約能源環保的一種！
城城又分享兩個囡囡最愛扮公主，成日著公主裙，又要將爸爸變做冰添，好Cute呀！講到大寶夠5歲已經打咗疫苗，城城話阿女一啲都唔驚，面不改容㗎！咦，咁咪可以入紅館睇嗲哋演唱會囉，城城直認有意喺出年開騷，希望大家到時可以除罩睇騷啦！佢仲笑話喺屋企練舞時，學緊芭蕾舞嘅大寶見佢可以連轉好多圈，睇到呆咗，好搞笑呀！
