【Viu】Alfred許廷鏗同Marf、CK合作嘅新歌《亻言》正式面世，噚晚佢哋齊齊開Live同fans傾偈，講起今次合作，Marf話當時收到Alfred幾段分幾鐘伴隨住沖涼聲嘅語音訊息，仲心諗點解咁重要嘅事要沖住涼講，Alfred就解釋返其實因為沖涼容易有靈感啫！Marf同CK仲自爆當初一開始參加造星IV其實互睇對方唔順眼，CK當時覺得Marf成日遲到，又喺啲唔啱嘅timing講啲奇怪嘅說話，而Marf就話feel到CK唔多想理自己，所以唔多夾，但經過了解之後佢哋就越嚟越friend，Marf仲話CK非常包容自己，大家想做嘅事都會陪對方去做，真係勁sweet啊！而嚟緊新歌MV亦會喺9月30號推出，Alfred仲大讚Marf同CK喺MV入面超型超靚添！
