【Viu】唔講唔知，原來小肥未出道前幫陳輝陽錄過唔少Demo，仲喺機緣巧合之下，被前經理人黃栢高賞識簽佢做歌手，所以陳輝陽都可以話係帶小肥入行嘅伯樂之一，估唔到隔咗十幾年之後，大家有機會合作，推出翻唱黑膠碟《Morden Classic》！今次佢哋一齊揀咗十首，喺2010至2020年期間發行嘅近代流行歌翻唱，就連小肥咁唱得都話被Supper Moment嘅《幸福之歌》考起，錄音過程中除咗要搵歌唱老師惡補之外，陳輝陽都要化身公路攝影機，㩒住小肥呢架野馬貨櫃車，唔好好下下都衝得咁快！想知道呢對一剛一柔嘅組合，喺製作新碟嘅過程中有咩化學反應，就要睇足本訪問喇！
