【Viu】「微辣笑林寺」噚晚順利完成頭場棟篤笑騷，但喺騷前佢哋懷住忐忑不安接受訪問。其中豪Dee有幸被特別嘉賓七仙羽（七師傅）翹住手仔傾偈，不過喺騷入面佢哋係零同場，cfu解釋：「棟篤笑一定係單獨咁棟喺度嘅！」又真係講得通喎～cfu果然係cfu！
豪Dee直言繼上次同七師傅重演張敬軒同鄧麗欣喺《十分愛》彈琴嗰場戲之後，一直都再想合作，咁不如演埋嗰幕嘅下半part錫錫？七師傅抵死婉拒話只係當對方小BB，然後指視今次客串做熱身，事關下個月就輪到佢賣身開唱笑會，豪Dee即刻把握機會自薦做嘉賓，卻被cfu一個英文字考起！
Yelo、阿泰、少年江流同導演卡特就大叫緊張，希望可以盡全力發揮到最好！又講到今次淨係開七場騷唔夠喉，不過少年江流都好保守咁話要睇吓做完頭場個體力如何，再衡量之後再開騷可唔可以加碼場次！
