【Viu】HIP HOP組合廿四味嘅阿肥、Brian聯同Keni、阿Bert，8月6號喺會展將會舉行香港首個HIP HOP頒獎典禮《Whats Good Music Awards》，鼓勵本地Hip Hop音樂人之餘，亦希望俾更多人認識到而家一班年輕嘅音樂人！對於大家對Rapper、Hip Hop音樂人嘅誤解，阿肥都話要平反，只係佢哋外表比較彪悍，但其實只要接觸過真人就知佢哋其實好有禮貌仲好識尊重人添！而講到廣東話Hip Hop作品，歌詞入面都會有粗口，4位都解釋其實並唔係喺度鬧緊人，只係一種比較草根、地道嘅表達方式，阿肥仲話廣東話本來就好啜核獨到，係無可取替嘅！另外佢哋仲互相分享今次合作搞頒獎禮喺對方身上學到嘅嘢，阿肥仲俾Brian封做本地Rapper人肉google添！
