【Viu】羅力威同石修今日出席錄音室開幕，久未露面嘅威威，預告就快出歌，紀錄呢幾年嘅變化。講到現今樂壇係小鮮肉嘅天下，笑認由「宅男」變「宅叔」嘅佢，原來都有留意MIRROR同ERROR，皆因佢哋嘅廣告周圍都係，雖然自己已經變咗Uncle，但都會繼續做好自己同音樂。威威又話老婆雨僑要湊女嚟唔到，但囡囡對音樂好有天份，聽過嘅歌都識唱，仲有4、5首飲歌係唱啱晒所有歌詞，笑指個女都幾有「音樂小神童」Feel。
此外，即將榮升爺爺嘅石修，就話改名同教育方面全數交畀兒子陳宇琛同新抱負責，力撐新抱大肚都繼續跳舞係好事，一來夠健康，二來代表孕婦都可以做自己想做嘅事，呢位老爺真開通呀！
