【Viu】教主Anson Lo日前作客Do姐嘅電台節目，大談新歌《King Kong》MV嘅拍攝過程，分享工作近況之餘，仲同Do姐一齊傾心事！原來外表睇落信心十足嘅教主，都會擔心自己嘅表現，尤其係唱歌呢part，佢自認有不足嘅地方，會不斷改進！其實教主真係鐵人嚟㗎，又要出新歌又要拍劇，嚟緊仲要為演唱會排練，真係心痛死一班神徒，所以佢哋日前都特登準備咗超豪華美食應援慰勞偶像，有長腳蟹、燕窩、鮑魚同自助餐，花姐同劇組台前幕後都食到lam lam脷啊！教主拍到凌晨四點幾收工，都不忘出Story多謝神徒嘅心意，咁窩心嘅偶像去邊搵啊！
