【Viu】Dickson余德丞前日突然宣佈，離開工作咗8年嘅舊公司，不過休息咗一日，Dickson已經有新工返，佢亦有將自己返工第一日嘅情況，拍片同大家分享，原來佢去咗商台做《口水多過浪花》嘅客席主持，佢嘅幾位拍檔，Do姐、迪偉同傑朱就送咗蛋糕歡迎Dickson。不過Dickson就唔係好滿意第一日嘅表現，但佢都承諾會繼續努力。另外Dickson亦分享一段自己同商台嘅淵源，原來佢大學畢業嗰陣有apply商台PA嘅工作，不過因為串錯人哋個姓搞到錯失機會，依家兜兜轉轉又返到呢個地方，相信Dickson都會好珍惜呢份工呀！
