【Viu】王力宏呢期忙住同前妻李靚蕾打官司,已經好耐冇出現喺社交平台,不過依然有唔少內地網民,24小時Mon實佢微博!卒之有眼利網民發現,LeeHom竟然喺4月1號出post發咗一張靚女相,仲留言「愛你」,疑似公布新戀情令「王力宏二婚」嘅關鍵詞,一度成為微博熱搜!網民又話LeeHom好快刪post,但當然都被cap圖同瘋傳,而相中著住民族服飾嘅美女竟然同LeeHom嘅前「蜜友」李雲迪撞樣!呢單嘢咁爆,原來⋯⋯只係愚人節惡搞,事主之後都喺原post留言「這是一條愚人節笑話」!相信官司一日未打完,LeeHom都應該冇心情update社交平台,就算有戀情都唔會揀喺呢個時間公開啦!
新歡貌似李雲迪 王力宏公開戀情屬惡搞