【Viu】Joyce鄭欣宜舊年年尾開始進行生酮飲食法減肥，再加上配合運動雙管齊下，短短3個月已經減咗20磅，成效相當好呀！ Joyce唔單止減肥成功，桃花運似乎都唔錯，最近佢Post咗張自拍，係佢挨著一位神秘男士嘅背脊，於是一班網民柯南上身，發現有一位叫BENJAMIN嘅外國髮型師經常喺佢IG出現，懷疑佢就係呢位神秘人，JOYCE點會咁易俾你估中呀，其實呢位髮型師已經有另一半。之後又有疑似知情者爆料，話JOYCE真正嘅男友，係一位38歲嘅花店cafe老闆DEREK，今年情人節JOYCE都有孭住呢間花店嘅tote bag影相，袋入面仲有扎花，唔知係咪就係DEREK送嘅呢？而欣宜所屬嘅司寰亞就話對事件冇回應喇！
