藝人鄭欣宜（Joyce）去年起開設個人 YouTube 頻道，近日終於破10萬訂閱用戶大關，「找數」完成一件大事，畏高的欣宜決定挑戰攀石及飛索，以完成兩件大事雙倍報答粉絲支持。
破10萬訂閱，欣宜呼籲粉絲一同行善捐款，希望為「麥當勞叔叔之家」籌10萬善款，粉絲反應都相當踴躍，現已集得近22萬善款，令欣宜都下定決心，挑戰兩件大事回報粉絲，就是攀石及飛索，並從捐款人中抽出兩位與她一同完成挑戰。
圖：大會發相
挑戰當日一直下著大雨，令欣宜份外擔心，「因為玩攀石同飛索，落雨會好危險，所以一直好擔心，但我去完髮型屋紥辮，出發去石澳，就見到忽然陽光普照，原來雨過真係會天晴㗎！」之後欣宜就開始挑戰攀石，在教練指導下，在垂直的懸崖上攀上十多米高崖頂，並在終點取一個任務袋。只在16歲玩過一次攀石的欣宜，過程不斷尖叫，並一度想打退堂鼓，「我發現我最差嘅地方係唔信人，呢個係我一個好大嘅問題，攀石期間我唔信條繩、唔信教練，經過今次，我學識放手去信任身邊人，因為好多事情，一個人係搞唔掂。」
圖：大會發相
圖：大會發相
艱辛地完成攀石任務後，欣宜再去挑戰飛索，她打開在攀石時取得的任務袋，原來袋內放有 YouTube 向擁有10萬訂閱帳戶發出的白銀創作者獎牌！欣宜見到獎牌非常感恩，「我估唔到有呢一日，本身係一個小小嘅興趣，諗住疫情期間無咩搞搵啲嘢搞，因為你哋成日睇我嘅片、留言畀我、訂閱我 Channel，多謝你哋令我每一次拍片都會好大膽去嘗試啲唔同嘅嘢，如果唔係開咗 Channel嘅話，我係一定唔會玩攀石、飛索，多謝你哋，我會繼續繼續加油！」
圖：大會發相
之後欣宜便拿著獎牌，於兩座懸崖之間大玩飛索，由於腳下就是深不見底的大海，旁邊的工作人員比欣宜更「肉緊」，不斷提醒她小心不要將獎牌丟落海，欣宜也只好咬緊牙關、捉實獎牌玩飛索，最終成功挑戰兩大「不可能」的任務。
圖：大會發相
