伍姑娘助手都話係冒住生命危險上載伍姑娘唱歌片。
【now.com】伍詠薇（伍姑娘）老公練海棠早前被影到私會女友人，伍姑娘既成熟又大方的表現獲得大眾一致讚賞。而兩公婆早幾天就去了三亞旅行，有傳是練海棠立刻安排的「箍煲之旅」，但伍姑娘就表示是一早計劃好的，並邀請了助手和其母親同行。
今日伍姑娘已經返港錄影節目，在化妝整頭時她就開Facebook直播，講到助手昨夜偷放她唱歌短片上網時，伍姑娘就突然扯火，指住揸機拍攝的助手大罵：「偷拍我唱歌啊！明知就嚟出糧，尋晚仲夠膽死將我唔記得歌詞啲片段放出來！」助手死撐話因為太動聽，伍姑娘繼續鬧：「你覺得好聽啫，我仲要做娛樂圈㗎，喺到嗌交好冇笑啊，你破壞咗我我點出糧畀你？我真係想講粗口鬧你！」當然，一向和助手超好感情的伍姑娘不是動真火啦。
最後她又提到明日七月一日就是結婚17周年，並說：「我happy anniversary啦，17周年喇，無驚無險又到17點！」似乎真的已原諒了老公，雨過天青。
伍姑娘助手都話係冒住生命危險上載伍姑娘唱歌片。
其實真係好好聽。（影片截圖）
今日伍詠薇玩facebook live時忍唔住要鬧助手。（影片截圖）
好似好勞氣咁。（影片截圖）
但一講到和老公的結婚周年又生鬼番。（影片截圖）
其實伍姑娘勁錫助手，襯她生日特登請她和母親一同旅行。（facebook圖片）
兩人感情好好。（facebook圖片）
