【now.com】伍詠薇（伍姑娘）與老公練海棠不時公開晒恩愛，所以就算任職廣告界的練海棠間中被影到單獨與異性飯聚，伍姑娘都對老公採取絕對信任的態度。
不過年過半百的練海棠最近就被影到和一名年輕女性夜會，今次不是撐枱腳，而是將座駕駛到南灣沙灘，再在車上密會兩小時，確實容易惹人誤會。
今日伍姑娘為自己電視節目外出錄影時，就面帶笑容話：「呢啲家事我哋會返去再慢慢處理一吓先，呢個唔係話好開心定好唔開心嘅事，都未知開唔開心。所以等我返去同我先生坐低傾一傾，瞭解吓發生咩事先。」當直接問練海棠是否偷食時，她就扁一扁咀答：「應該就...唔係嘅，等我瞭解咗先！」
伍姑娘全程氣定神閒，EQ甚高，她表示今早出門前已向老公了解過，但未完全清楚整件事的來龍去脈，並強調作為成熟的另一半會平心靜氣讓對方自行解釋，今後亦不會加強監視老公。她又提到今年7月1日兩人就踏入結婚17周年，關係鞏固，希望大家祝他們好運，各位已婚人士是否很佩服伍姑娘的胸襟？
7月1日就結婚17年喇！
伍姑娘話會聽埋老公解釋先再諗。
