估計學友將於今年聖誕舉行個唱。
【now.com】四大天王輪住開騷！黎明剛舉行完一個震撼全港的「核心內外圍」演唱會，歌神張學友昨日亦宣布將舉行巡迴演唱會「2016 A CLASSIC TOUR」，距離他對上一次開個唱已是4年前的事，當年在18個月內完成146場巡迴演出，創下華人歌手單次巡迴演唱會的場次紀錄。今次的舉行日期、場數、巡迴地點等詳情仍有待公布，但早前有消息指學友準備在聖誕檔期舉行，總之今年一定有得聽歌神唱現場！
另一邊廂，郭富城經理人小美亦在Facebook透露，城城鐵定於今年8月假紅館再度舉行演唱會！不過一樣未公布細節，但肯定的是會繼續以舞台王者身分大跳勁舞。而華仔劉德華亦一早在訪問透露過下年會舉行演唱會，並會按慣例開足20場。四大天王咁樣輪住開演唱會真係好耐冇試過喇，大家準備撲飛啦！
估計學友將於今年聖誕舉行個唱。
小美就公布城城將於8月再登紅館舞台。（Facebook截圖）
華仔對上一次在香港舉行演唱會已是5年前的事。（網上圖片）
黎明率先完成其4D演唱會。
