0
0
Sammi安仔結婚相首曝光?華仔親筆題字撐「娛記正傳」

Sammi安仔結婚相首曝光?華仔親筆題字撐「娛記正傳」

Sammi安仔結婚相首曝光?華仔親筆題字撐「娛記正傳」

【now.com】每當你知道有朋友的職業是娛樂記者或攝記,通常第一句就會問:「咁咪日日見到明星囉?」的確,做娛樂行業每天都會接觸到不同「藝人」,但真正稱得上「明星」的就必定是80、90年代,香港娛樂圈最輝煌時期的藝人。

六位90年代入行的娛樂攝影記者為紀錄這段光輝歲月,出心出錢又出力,在旺角一唐樓舉行為期8日的「娛記正傳(上集)」圖片展,展出多張經典明星相、絕版明星雜誌、Yes!卡機(真係有得扭Yes!卡)、收藏品、佈滿粒粒巨星簽名的牛仔褸等等。

「娛記正傳」其中4位搞手,(左起)李溢敏、黃燕玲、仇志德、李浩恩。

其中一位有份策劃的攝記仇志德,尋回廿多年前儲起的菲林,將底片掃瞄到電腦後再加以修復,沖曬多張由他按下快門的明星相,他表示:「揀相揀到傻,畢竟係講傳媒,我想揀可觀性高啲,新聞性啲嘅圖片,例如許志安同鄭秀文著裙褂結婚相,其實張相係演唱會造型,喺文化中心影。但佢哋結婚都冇發放過圖片,就算佢哋有著我哋都見唔到,所以呢張相好有趣。」

許志安和鄭秀文裙褂結婚相。

「又例如郭富城同張學友嗰張,係喺商台搞嘅水運會,佢哋同時出現喺泳池邊,而家真係冇機會再見到。仲有Beyond四子,我入行只係見過兩次佢哋4個一齊,當時佢哋已經去咗日本發展,咁啱返一返嚟,而家已經冇得再影。」

你見過城城同學友一齊玩水未?
Beyond四子合照

叫得「上集」,是否會有「下集」?阿德說:「大家諗就梗係咁諗,當然期待有,呢幾日好多支持者都問係咪會有,其實只係鋪定路,再睇吓大家想點搞,或者搵唔同年代記者提供多啲嘢。」

要尋回廿多年前的相片、刊物和收藏品絕不簡單,他表示:「今次籌備咗大約9個月,但兩年前已講緊想搞。最主要想對呢個圈有個見證,見證香港最輝煌嘅娛樂圈,嗰陣真係好黃金明星時代。」

「紙媒雖沒落,光影可留情」,今次圖片展展出的不止是回顧昔日的光輝,更展出明星和攝記間的友情。劉德華、譚小環、黎瑞恩、古天樂、梁詠琪、陳松伶等人都出力支持,華仔甚至親筆題字,並設計成一份報紙《華報》,絕對有心思!「娛記正傳」現正免費開放,襯仲有幾日大家可以去懷緬一下,保證驚喜處處!

華仔親筆題字,並設計成《華報》。
多張由阿德影的靚相。
梅姐和哥哥的「信和相」。
霆鋒和王菲的「信和相」。
見過咁肥肥白白的鄭伊健未?
Yes!卡機內張張都是90年代出產的Yes!卡,入一蚊睇吓你扭到邊張?
永遠經典的哥哥。
多本絕版雜誌,金電視、玉郎電視、香港電視,00年代的人聽都未聽過。
還記得當年百事找來中港台多位巨星到約旦拍廣告嗎?
那是數碼相機仍未普及的年代。
捕捉明星難以見到的一面。
不少明星都有送花籃、果籃到場,甚至拍片支持。
牛仔褸上的簽名包括:周潤發、張國榮、梅艷芳、溫拿、四大天王等,睇吓你認得出幾多個?
古天樂的招牌簽名。
邱淑貞是第一個在牛仔褸上簽名的明星。

「娛記正傳」上集
日期:2015年11月1日-11月8日,12nn-7:30pm
地點:旺角太子道西204號2樓 走馬燈
入場費:免費開放

採、攝:何愫盈

  1. 更多
  1. 【晨早新聞重點】(9月27日)
    【晨早新聞重點】(9月27日)
    1小時前
  2. 英國據報擬將中廣核剔出東部興建核電站項目
    英國據報擬將中廣核剔出東部興建核電站項目
    47分鐘前
  3. 【報章A1速覽】民主黨未表決參選 交中委處理 將訂甄選機制 羅健熙:至今無人表態參選;藝術品拍賣市場 港居全球第二位 徐英偉:有望超越紐約 去年336億首勝倫敦
    【報章A1速覽】民主黨未表決參選 交中委處理 將訂甄選機制 羅健熙:至今無人表態參選;藝術品拍賣市場 港居全球第二位 徐英偉:有望超越紐約 去年336億首勝倫敦
    1小時前
  4. 德國大選票站調查顯示社民黨與基民盟得票率相若
    德國大選票站調查顯示社民黨與基民盟得票率相若
    1小時前
  5. 國選舉票站調查:基民盟和社民黨均獲25%選票
    國選舉票站調查:基民盟和社民黨均獲25%選票
    8小時前
  6. 德國選舉:拉舍特沒摺好選票致投票意向外洩  當局稱選票有效
    德國選舉:拉舍特沒摺好選票致投票意向外洩  當局稱選票有效
    9小時前
  7. 周六有約24000人接種新冠疫苗
    周六有約24000人接種新冠疫苗
    10小時前
  8. 民主黨無就參選立法會表態 改設程序讓有意參選者報名
    民主黨無就參選立法會表態 改設程序讓有意參選者報名
    10小時前
  9. 【持續更新】新型冠狀病毒疫苗接種資訊
    【持續更新】新型冠狀病毒疫苗接種資訊
    10小時前
  10. 德國聯邦議院選舉 將決定接替默克爾的總理人選
    德國聯邦議院選舉 將決定接替默克爾的總理人選
    12小時前