【now.com】香港經濟民生聯盟（經民聯）昨晚舉行了3周年晚宴，除了一眾成員，特首梁振英、政務司長林鄭月娥等問責高官都有份出席。梁振英昨晚全程直擊活動，不斷更新facebook，當中見到Beyond成員黃家強被邀做嘉賓表演，更同現場人士合唱經曲歌《喜歡你》，梁振英最後仲大晒同家強嘅自拍照。
一連串嘅更新令網民感到非常反感，認為家強變成「梁粉」，與樂隊關心社會時弊的風格背道而馳。網民又把《海闊天空》中嘅「背棄了理想，誰人都可以」贈家強，話他愧為家駒細佬。一向關心時事嘅王宗堯就話「你勿說話，皆因今天的真理，講起始終都跟我，有段距離」來表示《我是憤怒》的心情。不過亦有網民為家強抱不平，認為一張相不代表什麼，而且合照可以是出於禮貌。
就係呢兩張相出事。（Facebook截圖）
網友更質疑如果《版權條例》修訂草案通過，梁振英上載嘅短片可能已經觸犯法例，因為其目的只屬「抒發情感」、「展示個人才華」，不屬「戲仿、諷刺、模仿、滑稽、引用或報導及評論時事」等六個豁免範圍內。（Facebook截圖）
王宗堯以《我是憤怒》形容自己的心情。（Instagram截圖）
