0
0
〈娛樂乜乜乜〉古天樂 做個勇敢機械人

〈娛樂乜乜乜〉古天樂 做個勇敢機械人

【now.com】香港好得意,有人會話睇少啲戲,月儲3000蚊買樓;有人會買少啲樓,擲3億出來拍戲。

擲3億出來拍戲那位叫古天樂。他的電影公司新片《矛盾戰爭》最近推出預告片,題材是機械人電影,聞說是他的心願。短短40秒的預告,除機械人動作稍為生硬外,質素幾乎可以媲美荷里活,原來香港有能力做得到,即使只有40秒。看完後很佩服,但同時真心嚇親。

第一個嚇親,是咁多片唔開,開機械人?香港機械人電影從來未成功過,表表者是《機器俠》和《未來警察》。前者香港首周票房只得幾十萬,分分鐘連整CG部電腦都買唔到;後者有劉德華都收唔過400萬,還好之後仲有部《天機:富春山居圖》墊底,先顯得《未來警察》冇咁肉酸,但這是題外話。然後古天樂捱生捱死,居然想丟3億出來拍?香港地,三億買樓收租仲和味喎!

第二個嚇親,是陳木勝。陳導拍動作和劇情片一流,但特技片呢,大家只記得《全城戒備》,這部港產超級英雄電影,恕我直言,慘不忍睹。好消息是,陳導仲拍緊《危城殲霸》(又係古天樂做主角),有排未開到新戲,有足夠時間睇多幾次舊作戒備一下,做番齣好戲。

第三個嚇親,是古天樂明明就是想為自己間電腦特技公司拍一部代表作,省靚招牌,順便將土炮機械人變成熱潮。問題是當你做出熱潮後,邊個受惠呢?王晶就講明將會有兩部戲沿用《賭城風雲II》內的機械人傻強,睇過都知道流,即是古天樂辛辛苦苦做個trend,好快就會被拖累,整個大環境根本冇保證。

第四個嚇親,是從來覺得古天樂本身就是一個機械人,拍機械人片豈不是等於拍自傳?前幾年已有很多人抱怨,香港電影唔係古天樂就吳彥祖,現在吳彥祖長休,就套套都古天樂。仲要做埋老闆,佢間電影公司天下一投資好多戲,大家睇過的包括《五個小孩的校長》、《金雞SSS》、《12金鴨》、《衝上雲霄》等等,未上映的有林嶺東導演《迷城》、林家棟監製《死開啲啦》、彭浩翔三級片《同班同學》、張家輝《陀地驅魔人》,天下一都有參與。除了古天樂係機械人唔需要休息之外,根本冇其他解釋。

雖然不停被嚇親,但古天樂咁勇敢又咁有心,我點都會入場支持,希望唔會睇一部戲就儲唔到首期,大樓細樓都住唔起啦。

港版Iron Man?大家點睇?(微博圖片)
機械人古天樂真係好勤力,差不多套套戲都有份。(微博圖片)

文:魯連

〈娛樂乜乜乜〉
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。逢星期一至五刊登。

  1. 更多
  1. 有小巴司機抱怨繞道開通後交通狀況變差
    22分鐘前
  2. 文翠珊B計劃擬從北愛保險方案入手
    5小時前
  3. 有市民斥4000元計劃申請手續繁複
    5小時前
  4. 【內地數據對辦】恒指曾升穿27300點 騰訊重上$340
    6小時前
  5. 巴士改行繞道 有乘客認為應減少車站數目
    6小時前
  6. 朱經緯終極敗訴 稱自己問心無愧
    6小時前
  7. 尖沙咀鋁窗擊斃女遊客 警方調查酒店責任
    6小時前
  8. 議員質疑三隧分流成效
    6小時前
  9. 香港樓價第九年成為全球樓價最難負擔城市
    6小時前
  10. 【環球薈報】巴基斯坦八呎高男子嘆難覓伴侶
    8小時前