【now.com】法官大人，樂小姐，各位編審員，午安，我是來為大孖周志文求情的。
事緣有周刊爆料，周志文亂搞男女關係，連追7個女仔，包括前正印女友Coco、藝員吳若希、蔡思貝、馬賽、陳瀅、劉佩玥和何雁詩，因此即將被TVB放棄。老實講，第一眼睇到名單時我都好嬲，個個都外貌出眾，追到一個都夠過世，為何做人要如此獨食，剩番一個半個留俾其他人得唔得呀？
但我想講，桃花都是做藝人必須具備的條件呀！TVB男藝員眾多，為何只有周志文有能力連追7個女仔？因為他桃花最旺，異性緣最好。再來研究一下名單，7個女仔中，有模特兒、歌手、港姐。前正印Coco有錢、吳若希長腿、蔡思貝嬌嗲、馬賽奔放、陳瀅身材誇啦啦、劉佩玥甜美、何雁詩靚聲，7個女仔7種性格，他都能一一征服，證明有計。
異性緣好加上能應付不同類型的女性，周志文是一粒不折不扣的上等女人湯圓。女人湯圓不是想做就做，要講天時地利人和，十年八載才出一粒，應該珍惜。TVB哪種觀眾最多？師奶和OL呀！讓周志文盡展所長，收服廣大的女性觀眾，不好嗎？
或許有人質疑，做藝人要有品德。這句說話有一半對吧，現在的娛樂圈很寬鬆，對上一個女人湯圓叫陳冠希，撈得不知幾掂，只是後來被淫照事件打沉，但仍然在搞大生意。相比起來，周志文起碼沒幼稚到影淫照，女人湯圓來講，算是檢點和知分寸那種。
周志文亦會是一個稱職的藝員。報導指他試過同一時間腳踏三、四船，證明他善於時間管理啦！拍TVB劇常常要一次揹三、四組戲，一心幾用，周志文正是這方面專家。而以他追女仔的速度，入TVB 6年追到7個，俾多幾年時間，應該可以集齊所有花旦做女朋友，到時候跟任何一個女角都可以演到最真實的感情戲，仲唔係最佳男主角？TVB正值用人之秋，如此大好人才，絕不能炒，應該立即升上一線才對。
文：魯連
〈娛樂乜乜乜〉將每日的娛樂熱話，以全新角度為大家點評，大膽假設，細心求笑，希望滿足到去到邊度都好鍾意睇娛樂新聞的你。逢星期一至五刊登。
