【Viu】男神鄭伊健日前帶小師妹Feanna黃淑蔓去澳門舉行音樂會，二人更以王子、公主look現身，Feanna仲係大露背添，靚爆！伊健表示：「今次真係因為佢！上次見佢去金像獎着晚裝，原來佢可以咁樣。」小師妹受寵若驚。其後伊健更孖Dancer跳唱Rock版《Beautiful Day 》同《極速》，更即興同觀眾玩包剪揼兼派禮物，全場勁high。
而Feanna又獨唱男神嘅《動地驚天愛戀過》，伊健感嘆同小師妹相識多年，見證對方成長，又好奇佢當年14歲點解攞完《金像獎》「最佳原創電影歌曲」後，果斷暫別樂壇赴外國升學？Feanna透露：「因為真係想讀大學。」伊健又笑指：「5年前一齊拍《深宵閃避球》，佢嗰陣（身型）係依家3倍，性格好好，好似公關咁幫手照顧成班人。」想繼續聽兩師兄妹有咩笑料？入嚟睇實況片啦！
