【Viu】《羅志祥30th巡迴演唱會– 香港站》昨晚（14日）喺紅館舉行，小豬升上高台彈出場跳唱《全城熱愛》同《舞魂再現》，炒熱氣氛！其後小豬以VCR解釋點解鍾意彈跳出場，原來係受偶像Michael Jackson啟發，繼而彈跳上台獻唱《獨一無二》，寶刀未老！
向來風趣嘅小豬又上演小劇場扮彈跳失敗，仲用廣東話鬧爆導演，當唱至《夠了》時再度被降落台，正當大家以為小豬會三度彈上台時，點知係嘉賓姜濤「彈出」，掀起全場高潮，兩位男神合唱《撐腰》同《白果》，小豬仲係用廣東話唱《白果》㗎，Respect！雖然小豬同姜濤冇爆笑對話，但小豬喺臨落台時突擊咀嘴，令「迷弟姜」驚喜到眼都凸埋呀！而姜濤喺台下都睇得相當投入，跟住唱跟住跳，So High！
送走姜濤後，小豬以型爆黑超Look再登場，送上《All eyes on me》，仲同台邊Fans握手添！相隔12年重返紅館，小豬當然要兩度Encore回饋Fans，仲專誠以廣東話唱《每天愛你多一些》，又自嘲呢首歌唱咗幾廿年依然冇進步，其後小豬走匀全場握手，仲約定大家明年見！想睇小豬演唱會有幾High，記得睇現場實況喇！
