【Viu】張德蘭今晚超額完成紅館演唱會，佢表示非常唔捨得，希望盡快再有下次。德蘭姐姐早前不慎跌親左手甩骹，及後發現拉傷埋肌肉兼神經線，成隻左手乏力，距離完全康復仲要幾個月，目前左手仲痺㗎！握唔實支咪添！好彩有老公楊偉誠呵護備至。
德蘭姐姐又感激劉德華百忙抽時間嚟，認為有對方一齊唱《神鵰俠侶》插曲先夠完滿。講到Liza姐嚟撐場，既開心又感觸，表示對上一次齊人唱《四朵金花》已係多年前：「今日有啲難過！」講到呢度就哽咽感激汪明荃呢個家姐，更坦言超掛住肥姐。德蘭姐姐又指當年只得11、2歲，「四朵金花」嘅三個家姐都好照顧自己，講到呢度德蘭姐姐再度哽咽。想感受德蘭姐姐嘅愛，入嚟睇訪問片吧！
