【Viu】張德蘭今日舉行記者會，宣布將於5月底首次喺紅館舉行個人演唱會《相識是緣份 張德蘭演唱會》，德蘭姐坦言獲批紅館檔期好似中六合彩咁興奮，目前努力度緊歌單同戒口養聲，亦會準備練舞唱快歌，笑問會唔會畀老公楊偉誠揀歌呢？德蘭姐姐就話唔益佢喇，事關平時都會喺屋企唱歌畀老公聽。問到會唔會唱《四朵金花》呢？德蘭姐姐似乎就因為諗起往事而哽咽喇！
講到「四朵金花」係香港女團始祖，德蘭姐姐笑言當年成軍時都未有「女團」呢個Terms，但自己都有留意韓國女團BLACKPINK㗎，仲話好想返去佢哋嗰個年紀添，又靚又後生喎！想知更多就睇足本訪問啦！
