【Viu】張德蘭今晚喺紅館舉行《相識是緣份》演唱會，老公楊偉誠突襲上台獻花之餘仲sweet爆錫錫老婆，so warm！德蘭姐姐人緣超好，有Liza姐汪明荃靚爆鏡踏台Re-u初代女團「四朵金花」，回憶呀！二人大方講舊史，Liza姐認證德蘭姐姐係佢同沈殿霞、王愛明四女之中最高音，當年所有高Key都交俾對方。
德蘭姐姐亦請嚟喺內地登台識嘅黎耀祥同台唱《默默無言》，仲笑言：「你攞咗樂悠咭都仲咁靚仔！」更幽默話：「我好鍾意睇你演嘅電視劇，特別係做大太監！」祥仔聞言即話：「我冇做太監好耐喇！」
而最期待嘅畫面係Encore環節，着唐裝嘅劉德華驚喜現身，同德蘭姐姐唱《神鵰俠侶》插曲 《情義倆心堅》 。華仔勁有愛話只要唔使開工就一定要嚟！因為佢嘅第一次就係獻咗俾德蘭姐姐喇！快啲入嚟睇實況片啦！
