【Viu】AK江𤒹生、Stephy鄧麗欣、周秀娜、Adam栢天男、Jason@ROVER、希晉@ROVER等今晚現身第五十屆香港國際電影節，出席新片《大分瓶》 世界首映。
AK坦言終於恨到同娜姐拍戲，仲演情侶添，葡萄死班MIRROR兄弟。AK話興奮程度如《神鵰俠侶》嘅楊過同姑姑，佢仲舉手做埋隻鵰添呀！娜姐自被恆基地產集團主席兼董事總經理李家誠入稟告誹謗及騷擾後首現身活動見傳媒，被問到是咪覺得困擾而瘦咗？娜姐表示唔想講咁多。而AK就Man爆護花：「我都瘦咗！你哋唔關心我！」
而Stephy喺戲中就演細細個誤入歧途，俾Adam搞大咗個肚，所以囡囡謝咏欣都十幾歲，佢坦言當初睇劇本時都有心理關口。而演渣男嘅Adam就堅稱對愛情從來專一未試過劈腿，為演好角色要向有相關經驗嘅朋友攞料，咦咁我哋識唔識㗎？
再講到舊愛方力申日前喺內地商演搵嚟「高仿鄧麗欣」合唱《好心好報》，Stephy話唔介意，仲爆Seed話媽咪讚自己個女靚啲添！快啲睇足本訪問！
