【Viu】《盧海鵬鳴金收咪演唱會》噚晚圓滿落幕，「扮嘢鵬」一出場便知有沒有，鵬哥以「非羅文腔」唱《幾許瘋語》、《激光中》，又以已故好友「肥姐」沈殿霞造型出場唱《碧海狂僧》，滿滿回憶。而84歲嘅鵬哥6年前跟咗發哥跑步後就越嚟越精神，呢晚連粵劇《鳳閣恩仇未了情》都唱埋，中氣勁過唔少後生呀！
全晚唔少老友輪住上台做嘉賓，包括黃日華、「三哥」苗僑偉、「三嫂」戚美珍、Louis賈思樂、葉振棠等。三哥台上表示：「鵬哥今年收咪，明年就執返支咪。」Closing時，嚟睇騷嘅一眾嘉賓包括「修哥」胡楓、尹光等全部上台同鵬哥大合唱《朋友》，完美作結。想感受吓鵬哥有幾勁，入嚟睇現場實況片咪知囉！
