【Viu】盧海鵬試咪！但呢次鵬哥走到去文化中心「收咪」，宣布2026年1月尾舉行僅此一場嘅《鳴金收咪》演唱會！今日舉行記者會，戴假髮兼黑超嘅鵬哥由工作人員扶入場，上台大講「盧海鵬試咪」金句，中氣十足又keep到份幽默感！
鵬哥重提當年有位堪輿學家算過佢唔過79歲，之後周潤發就日日嚟車佢去跑步，跑過79歲，嚟緊12月仲84歲添！笑問鵬哥會唔會去搵返個堪輿學家剝佢棚牙？鵬哥轉數勁快妙回！鵬哥又揚言呢個唔係告別演唱會㗎，所以係咪堅「收咪」都話唔埋㗎！唔知鵬哥搵咗邊位星級好友做嘉賓呢？
記招率先預告當晚係冇rundown，鵬哥霸氣話企喺度唱盡經典改編歌、跳舞，仲搞笑話會表演瞓覺、行街，搬晒十八般武藝出嚟，有料喎！佢指依家每日都有繼續慢跑，跑到連糖尿病都好返晒，只係右眼睇唔到嘢，所以行路都唔敢行得太快！另外，鵬哥亦有提到上月因病離世嘅「師兄」許紹雄，指盡量都唔諗同對方過往嘅點滴！即刻去片睇鵬哥點妙語連珠啦！
