【Viu】Juno麥浚龍原定去年12月舉行演唱會，將《The Album》嘅終章搬上會展舞台，但可惜臨開騷前，佢突然患上支氣管炎要無奈延期！事隔半年，Juno話有好消息要宣布，就係重啟演唱會啦！
講到演唱會嘅主題，Juno就話係由爸爸「董折」同個囡「董浦」嘅視點出發，又透露事前已經拍咗好多段影片，用嚟推進故事，令大家更投入！而喺創作《The Album》嗰陣，Juno有搵嚟多位重量級嘉賓「加持」，譬如有古天樂、林嘉欣、林家棟等，佢預告舊有嘅角色都會「出現」，咁⋯主角之一嘅「浦銘心」謝安琪又會唔會登場，畀大家一個超大surprise先？
為咗尋找飾演「董浦」最合適嘅人選，Juno坦言都cast咗好一段時間㗎，最後就firm咗搵一個好吻合到「董浦」性格倔強、又好喊得嘅年輕演員，係咪好想知係邊個呢？
另外，Juno手上另一重磅project、電影《風林火山》亦有望喺今年面世，對電影被封為「都市傳說」，Juno又點妙回？有傳電影有3個version嘅片長，包括係2、3、6個鐘，現階段暫定會係幾長？眾所周知Juno一向都超低調，遲吓又會唔會參與謝票？所有答案都喺晒條訪問片入面，即刻去片啦！
