【Viu】出爐金像影后Michelle衛詩雅今日喺旺角為《全港戲院日2025》派爆谷，吸引大批巿民圍觀！詩雅表示得獎後休息咗兩日，一日隊薯條飲啤酒，另一日就帶咗獎座返老家畀父母睇，最爆笑係陪媽咪買餸時唔止冇著數，仲繼續畀街坊認錯做連詩雅，難怪影后話下星期要返公司搲撈，希望可以拍多啲戲，仲劇透陳茂賢導演終於鬆口風話籌備開拍《不日成婚3》，期待喎！
詩雅希望稍後相約《破．地獄》團隊食飯慶功，唔介意宴請台前幕後慰勞大家，但笑言「有大食大」，如果子華神蒲頭就肯定有老闆埋單啦，仲話得獎後收到子華神嘅祝賀短訊，又笑言可以乘機搵林家謙學唱歌添！
此外，講到那些年幫雜誌做Model嘅舊照喺網上瘋傳，詩雅爆笑自嘲當年嘅包包面、七彩眼影同甲組腳，仲話要迫老公轉做Wallpaper，想笑餐飽就睇足本訪問啦！
