【Viu】MIRROR「哥與弟」Ian陳卓賢、姜濤今日喺主題樂園，出席完大熊貓家姐細佬後援會成立典禮，之後就組「星級契爸獨家團」，分兩round各帶50位「家姐細佬後援會」fans去大熊貓館探家姐細佬同埋盈盈、樂樂，點知哥與弟風頭被搶？
其間細佬一直長掛喺樹枝上深層睡眠，瞓瞓吓仲調轉身，用pat pat面向大家，全程都勁瞓得！相反家姐就勁活潑，喺上半場表演咬樹枝之餘，又自high玩韆鞦，玩到一半仲使出倒掛大絕，cute到爆！但家姐去到下半場就斷電，瞓到超冧！
另外，媽媽盈盈一開始都係瞓喺樹上面郁都唔郁，瞓醒後不停行來行去，更喺眾人面前屙poo poo添！至於爸爸樂樂就keep住喪食，食量驚人超擦得呀！想睇哥與弟cute啲，抑或係熊貓s cute啲？快啲去片啦！
